Arti Zumhnak

Arti buhmi einak nih Tuluk zawtnak coronavirus a khamh” timi zumhnak hi atulio Lailei zumhnak ah a um takmi a si rua. Halkha lei ka hei hal hna i, an chim ngai ko, Kalemyoh hrawng ngakchia chuak kaa pate nih a chim an ti, an ti ko. Kalemyoh lei ka hei hal rih hna i, an chim tak ko, Letpanchawng ah a si an ti, an ti hoi. Letpanchawng cu ka hei hlat ṭhan i, an chim cu kan theih ve nain, Letpanchawng ahcun a si lo an ti fawn. Hakha post nih an chimmi kha ṭha tein ka ngaih i, Naga ram ngakchia pa nih a chim an ti, tiin an chim fawn. Va si taktak sehlaw, keicu zingkhat pumkhat in ka ei tawn i, “vanṭhat” ka hei ti men ko hnga.

Ngakchia chuak kaa pate nih arti buhmi ei ulaw, atulio Tuluk zawtnak coronavirus in nan zaw kho lai lo a ti i, cu bia a chim khawhin a thi colh ve an ti….an ti.

A ngaingai tiah, hi arti zumhnak lawng lawng hi a si theng lem lo. Hi bantuk phunphai hi Laimi kan i buaipi thiam ngaingai tawn ko. Biaknak lei hrimhrim cu mi hro a hmangmi pawl ziak cii rumro in kan um tawn ko. Anmah nih maw an kan ziak deuh maw, kanmah nih dah kan i ziak deuh hna timi bel a chim a har ngai ve hnga.Credit-Perhkalh Thawng

Be the first to comment

Leave a Reply

Your email address will not be published.


*