Breaking News: Hakha Auto Sang ah Pi Zung Iang changreu reunak inn a kaang, innpa nih an hmih manh

2020 February 4, suimilaam 1:00 hrawng ah Hakha Auto Sang (Leisen Sang) ah Pi Zung Iang changreu reunak inn hmete a kaang i innpa nih an hmih manh, tiah Hakha Peng Meithat Zung in kan theih.

Kanmah Peng Meithat Zung an kan chimh i kan va kal ahcun innpa chakthlang nih mei an rak hmih cang. Changreu an reunak inn hmete, amah lawng an sak mi innte khi a si. Ukaang a lin deuh i a si lai. Dawr ah cikhatte ka zuankar ah a tlaih mi a si, tiah Pi Zung Iang nih a kan chimh. Thaal a si cang bantuk in electric mei siseh, kuat mei le tihthing mei zong kan i ralrin deuh a hau,” tiah Hakha Peng Meithat Zung Lutlai Pu Thian Nuam Maung nih The Hakha Post ah a chim.

Hakha ah February 3 zingka zong ah Gangaw lam kattaza chuan mi a kaang i meithat seh nih a hmih manh. January thla donghlei ah Dawrhlun Sang Pi Tum Nawn tein aho si hngalh lo mi nih a duah i an hmih manh ve. Atu hi a voi thumnak mei nih inn a tlaih i innpa nih an hmih manh than hi a si. Photo: TNM Credit-The Hakha Post

Be the first to comment

Leave a Reply

Your email address will not be published.


*