CNA le CNF chungkhar sin i zohkhenhnak le Pathian bia

CBC USA chung in CNF Headquarters Camp Victoria ah Pathian rian a ttuantu Pastor pawl le Saza, Sazamah pa ruk (6) nan cung ah siseh, hi Saza, Sazamah te thlahlawh a kan pek piak tu Khrihfa bu pawl cung ah siseh a thar in kan ni lawm ti kan vun chim tthan.

Miphun Hawi hna, CNA le CNF chungkhar sin i zohkhenhnak le Pathian bia karhternak UCCF ah Mission rianttha ttuannak ah a rak ttuanmi kan miphun vialte nan cung ah kan ni lawm. Hi mission rianttha ttuan, phaisa bawmh lawng si loin, Pastor pawl le Saza, Sazamah te thlahlawh caah a hlei in thilrit a kan phawrh piak tu Akhua bu pa khat le Khrihfabu pa nga cung ah kan miphun zaapi nan vun i lawm ve lai ti kan ruah caah zaapi sin ah kan vun thanh.

1. Rev. Tluang Hre ( USA Zokhua Hrin nih kumkhat $3,900 in an kan zoh piak)
2. Pastor Sui Sui ( Chin Baptist Church, Des Moines, Iowa nih kumkhat $3,000 in an kan zoh piak)
3. Sazamah Sui Hlah (Midland Chin Emmanuel Church, Midland, TX nih kumkhat $2,400 in an kan zoh piak)
4. Saza Lai Hlun (Women’s Dept. of Chin Evangelical Baptist Church, Indianapolis nih kumkhat $2,400 in ankan zoh piak)

5. Sazamah Bawi Len Iang ( Emmanuel Chin Baptist Church, Columbus, Ohio nih kumkhat $2,400 in an kanzo h piak.
6. Saza Em Cung (Texas Chin Baptist Church, Dallas, Texas nih kumkhat $2,400 in an kan zoh piak).

U le nau hna a cung hi kan Pator hna le kan cachimtu Saza, Sazamah te a kan zoh piak tu Khrihfa bu hna hi, kumkhat an Budget chung in cheu zakhat ah cheu khat (1%) UCCF ah an kan bawmh hlei ah, a hlei in hi thilrit hi kan Miphun le kan Pathian caah an ni khinh mi a si. Kan miphun dawtu vialte an cung ah nan ni lawm tuk ve lai ti kan ruah.

Camp Victoria dawtnak in rianttuantu kan Pastor hna, Kan Saza, Sazamah hna le zohkhenhtu vialte hna nan thilttha tuah mi cung ah kan miphun vialte kan ni lawmh lawng si loin, kan Pathian aa lawm lai ti kan zumh. Hi nan thilttha tuahnak hi kan miphun tuanbia ah a zungzal in a rak um zungzal lai. Kan ni lawm!
Nan hawi,
Credit -Daniel Sakhong

Be the first to comment

Leave a Reply

Your email address will not be published.


*