CNF Arem Lomi Cu Chin Miphun Nih Kan Pa Ti Awk An Tlak Lo “

Pu Lal Deng cu ” Mizo Hnam Pa ” an ti bantuk in Pu Zing Cung ” hi Chin Miphun Kan Pa ” ti ve ko cang u sih. Mi tampi nih kan pi Daw Aung San Suh Kyi e, kan pu kan pa Tamada Win Myint e, V-president e, CM Salai Lian Luai e , kan Speaker e, tiah a tu hrawng Thantlang CND ah arit in an rit lio le an thawng li bang ai hninh lio ah kei nih cun Chin miphun kan pa taktak cu Pu Zing Cung hi a si deuh tiah tlang ka vun au ve.

American Washington DC hotel pakhat ah a rian tampi lak ah kan mah pahnih lawng nazi (2) chung dengmang ram le miphun kong meeting kan tuah, pahnih meeting ahcun asau pawl a si ve men lai. Kan nih cu a nung Pathian, zeizong tuah khotu Pathian ai bochan mi kan si, kan miphun ai bochan mi kan si, ni khatkhat cu kan khel mi federal cu harnak le donkhan tu ral vialte kan Pathian nih a kan tei piak lai i hlawhtlin nak a kan pek ko lai, kan co hrimhrim ko lai tiah lunglomh nak le ruahchan nak he kan meeting kan dongh ter.

Pu Zing Cung cu airport ah Cung te he kan va thlah, khawika ah dah na kal lai chim awk a tha maw? kan ti. Thailand Bangkok ah ka zuang lai i cupin cu ka kal nakding ka thei rih lo a ti. Zeicandah na rauh lai tiah kan hal ? Zeican ka rauh lai zong ka thei lo . Ka chungkhar zong ka kal nakding le ka rauh ding can ka chim kho bal hna lo, Pathian nih damte ton nak kan pe hram ko seh thla kan cam peng hna lai tihi kakal lai ka chimh mi hna asi a ti. A thinlung put le a sining dihlak in ram le miphun a dawt nak ka hmuh, nan hmuh dih cio ko caah ” Chin miphun Kan pa” ti cang u sih tiah tlang ka vun au nak a si.

Kum (72) nak Thantlang “Chin Miphun Ni” cu ” CNF le Chin Miphun ” kan lungfak ni a si. ” We Stand With CNF “.Credit-Lal Maung Cung Cinzah

Be the first to comment

Leave a Reply

Your email address will not be published.


*