Covid -19 Zawtnak Ruangah Tukum Cu Accident A Tlawm Deuh

Covid-19 zawtnak zong hi kamkhat lei cun thatnak a chuahpi ve mi a um rua ti phun in a um.Khrihfa mi kan caah chungkhar ah thlacamnak a tuah bal lo mi pawl nih chungkhar thlacam tuahnak tibantuk a kan tuah ter.Cun cheukhat caah Pathian he naihniam deuh in a kan umter ti a si.

Cun Nikum 2019 nak in tukum 2020 thla ruk chung i motor/Cycle accident tibantuk zoh tik ah nikum nak in tukum hi a tlawm deuh tuk tiah thawngtheih a si.Tukum 2020 Covid-19 zawtnak ruang ah accident a cutluk in a tam lo.

Kalaymyo motor le cycle accident zohtik ah tukum 2020 thlaruk chung ah voi 30 lawng a um i a thimi minung 6 lawng an si.Nikum ahcun thlaruk chung ah voi 110 bakte a um i a thimi hi minung 55 bak an rak thi tiah Kalaymyo motor PK lei tuanvo latu sin in theih a si.

Hibantuk in accident hi tam deuh cu dinei ruangah ritbu in motor mongh le cycle mongh ruang deuh ah a cang mi a si.Cun tukum cu covid-19ruangah accident a tlawm deuh ngaingai tiah an chim.A ruang cu Covid-19 ruang ah a tubantuk in accident a tlawng deuh hi a si lai tiah zumh a si.Source-DVB

Be the first to comment

Leave a Reply

Your email address will not be published.


*