Darling Nih Thathi An Chawnh Hna Lo Tik Ah Nungak Thinlung A Um Colh Mi Phun Nga

Nungak tam deuh nih an tlangval (DL) te nih tha tein zohkhenh le dawt an ton lo tik ah an ruah bik mi phun nga. Nungak pawl nih an duh bik mi cu anmah le tlangval nih thatein zohkhenh dawt thiam hi an duh bik bak mi a si. An duh ning in an zohkhenh ti hna lo ahcun a tanglei bantuk in an ruahnak a um tiah nu thinlung hlathlaitu hna nih an chim.

A pakhat nak ah a mah tein ka tlangval nih a ka duh ti lo timi an thinlung ah a chuak colh. A tlangval nih a duh ko nain a duh ning in a zohkhenh lo ahcun nu thinluung kan timi cu a tlangval nih a ka duh ti lo timi thinlung a ngei colh.

A pahninhnak ahcun faktuk in khuaruahnak thinlung a ngei colh. Ka tlangval pa hi midang nungak ai hmuh cang mi a si timi tiang in ruah an hmang colh. An i duh lio ah cubantuk khuaruahnak an ngei lo nain an tlangval nih an duh ning in an zohkhenh hna lo tik ahcun an ruahnak thinlung ah a herhlo tiang in khua an ruah cang. Darling dang a ngeih ruang ah a ka zohkhenh ning a hman tilo hi a si lai ti tiang in khua an tuak colh.

A pathumnak ahcun an tlangval cung ah an lunghrinh colh hna. An thinlung ah lunghrinhnak an ngei. An hlan bantuk in a ka zohkhenh ti lo mi hi nungak dang a ngei a si lai timi lunghrinhnak an ngei hna caah khuazei a kal ah siseh a tlangval cu zumh lo nak thinlung a ngei colh.

A linak ahcun an mah le mah biahalnak an i tuah cang. Ka tlangval cung ah zeibantuk ka tlamtlin lo nak a um? Zeidah ka sual. Zeibantuk in dah ka chawnhbiak ruang ah a ka zohkhenh ningcang ai dan hi a si timi ruahnak he an mah le mah biahalnak an i tuah .

A panganak ahcun anmah tein lamdang chuahnak thinlung an ngei. Lamdang timi cu darling dang ngeih ding a si ko timi thinlung an nge colh. Nu cu mah le darling te nih zohkhenh cu kan duh mi a si ko i a ka zohkhenh huha ti lo mi cu darling dang ka nge cang ko lai. Ka kawl cang ko lai timi thinlung an ngei . Cucaah nu nihcun zohkhenh le dawt hi an duh bik mi a si.

Be the first to comment

Leave a Reply

Your email address will not be published.


*