High School Na Awn Lo Zongah University Cawn Khawh Nak Lam A Um Cang.

Kum fatin te tanghra camipuai a awng kho mi hna hi 100% chungah 30 % lawng an awng hna. Nain 70% cu an awng lo ti a si. Cuaah 30 % lawng nih University kai khawhnak lam an hmuh. Nain 70% cu kai khawhnak lam a rak um lo.

Sihmanhsehlaw tu hnu ahcun tanghra a sung mi zong kamkhat lei in University kai khawhnak ding lam kan serpiak hna lai tiah Dr. Tin Maung win nih a chim. Universitu kai khawhnak ding a lam cu (High School Completion Certificate) pek mi hna an si lai.

Hi Certificate cu sianginn pakhat cu komati a ser lai i cu Komati nih cun an siangngakchia cu sianginn nih riakhiah kumkhat chung ah ni zeizat a kai a tling maw ti bantuk cun a cawn mi subject chung in a thiamnak pawl, sianginn activities ah aa teltum ningcang, Sianginn pakhat nih a ngeihmi siangngakchia chung council hna ah ai tel maw ti bantuk quality in zoh a si lai.

Tanghra a awn lo hmanh ah cu High School Completion Certificate a ngah mi nihcun direct in University kai khawhnak lam a ngei lo hmanh ah Undergraduate Diploma ti bantuk kai khawh a si lai.Tahchunnak ah GTI tibantuk ah an kai kho lai i cozah nih theihpi mi Undergraduate Dipaloma hna an ngah hnu ahcun B.Tech hna B.E hna an peh khawh cang lai.

B.E hna an dih ahcun M.E an peh khawh than lai i Ph.D tiang pehkhawhnak a lam a um cang tiah Dr. Tin Maung Win nih cun a chim. Cucaah tanghra awm lo zong ah sianginn ah a fel i aa zuam mi hna caah cun indirect in University kai khawhnak a lam a um cang ko caah tanghra a sung mi ca zongah kamkhap lei in pawcawmnak a fawi tuk ko cang. Source.Dr. Tin Maung Win

Be the first to comment

Leave a Reply

Your email address will not be published.


*