Hmeh Nih Duh/Dawtnak Kong Ah Kan Sining A Langhter Mi

Minung kan takpum cung ah hmet hi sawhsawh in a um lo. A ruang tampi le sining tampi langhter nak a ngei tiah thiamsang hna nih an chim. Cucaah na takpum cung ah a um mi hmeh nih duh dawtnak kong ah na sining nih a langhter mi cu a tanglei bantuk hi an si.

Na hmai cungah hmeh a um a si ahcun nangmah nihna duh mi nak in nangmah an rak duhtuk tu tlangval/nungak hi Phusa deuh nan si kho timi langhter tu a si.

Hnar cungah hmeh a ngeimi hna an sining cu zaangfah ruangah duhtu na ngei kho. Cubantuk in duhtu na ton tik ah neknak ruangah a tuletu na mithli a tla lengmang lai timi hmuhsak tu a si.

Na mittlang ah hmeh na ngeih a si ahcun duh/dawttu tampi na ton kho timi hmuhsak tu a si. Culawng si lo in pawngkam minung hna nih bochan mi na si lai.

Na mitlung cung bak ah hmeh na ngeih a si ahcun na Mana a ngan taktak tinak a si. Fawi le bai in midang nih komh khawh mi na si lo. A ruam na kai tinak a si lai cu.

Na hnakhaw ah hmeh a um a si ahcun biakamnak let na duh lo. Na biakamnak cung ah fekte in a um kho mi na si tinak a si. Cun duh/dawttu na ton tik ah kum caan saupi a nguh tinak a si.

Na hmur ah hmeh a um ahcun duhnung na si tinak. Dawtu tampi na tong lai tinak a si. Na hmaipanh nih minung tampi a lemsoi khawh hna. A bik in duhdawtnak ah na sifak lo ti nak a si lai cu.

Na hnawng ah hmeh a um asi ahcun duhmi tampi nai chiah lengmang lai tinak a si.Nain na darling pawl hi nangmah nak in muidawh deuh an si lai lo. Nangmah nak muichia deuh lengmang an si lai tinak a si.

Be the first to comment

Leave a Reply

Your email address will not be published.


*