Hringtu Pa A Thattu Unau Pahnih Biaceih Zungah An Chuah Pi Hna

A liamcia kum 2017 lio ah khan Russia ram Mosco khuapi ah hringtu pa pakhat cu a fanu le pathum nih a ihnak khan an rak thah. Hi unau nu pathum hna lak ah pahnih hna cu naite July 31 ah khan Russia khualipi Mosco biaceih zungah an chuah pi hna tiah AFP thawngzamh ca nih an tial.

Hringtu an pa hi kum 57 a si . A liamcia kum 2017 lio ah khan a ihnak khan chung ah afanu le pathum nihcun an rak luh hnawh i namte le a dangdang hmang in an rak thah.An rak thah hnu ah anmah nih cun polik cu phone an rak chawnh hna.

A hramthok ahcun hringtu pa nih a hrem hna caah mahlemah i runvenhimnak caah kan thah mi a si tiah an chim. Nain a hnu ah biadang a chuak than.Zeiruang ah an rak thah timi hlathlainak an tuah tik ah hringtu pa nih a hrem hna lawng si lo in kum tampi ningcang lo sualpi nak an rak ton ning cang a phi an hmuh,

Cucaah hi hna unau pathum cu zeitindah biaceih zung nih biachahnak a tuah piak te hna lai timi cu theih fian khawh a si rih lo tiah AFP thawngzamh ca nih cun an langhter.

Be the first to comment

Leave a Reply

Your email address will not be published.


*