Nangmah Nak In Upa Deuh He Nan I Duh Ahcun A Tanglei Bantuk In An Dawt Lai

Nangmah nak in upa deuh pi he nan I duh ahcun a tanglei bantuk in an dawt lai.Nu cheukhat nih cun mahnak upa deuh pi he I duh kha an ning a zak. Cun I duh zong an duh theng lo Nain mahnak upa deuh he I duh a that nak cu a tanglei bantuk in an si hna. Mahnak upa deuh pi he I duh ahcun nangmah thi he nan I duhnak in an dawt deuh lai.Cun na duh ning zulh piak an timh zungzal lai.

A ruang cu mahnak upa deuh cu cawmpiak zong an thiam I na zulh ding lam fiangte in an hmuhsak khawh lai. Cu caah cheukhat nungak pawl nih mahnak upa deuh hi an duhnak hna a ruang a si.

A pakhatnak ah nangmah nak in upa deuh he nan I duh a si ahcun nangmah cu biapi bik ah an chiah lai. Zeibantuk thil a si zong ah caantha an pek lai. Cun na biakhiahnak cungah biapi in a chiah lai a mah a tuah duh mi nak in nangmah na tuah duh mi kha biapi ah a chiah lai. Cun nangmah nak in a upa deuh a si ruangah nangmah cu ngakchia bantuk in an zoh lai I an dawt lai.

A pahnihnak ah thil fate tiang in an cawnpiak lai. Na duhmi thil chungah thiltha maw thilchia timi thleidannak na ngeih khawhnak ding tiang an cawnpiak lai. Cun na chiat ko lio hmanh ah ngaihthiamnak nun an ngeih lai. Sualnak na tuahsual hmanh ah Sory ka palh tiah na ti bak in an ngaihthiam lai naa nuamh thanhnak ding caah lam tampi kawl in an zohkhenh lai.

A pathumnak ah nangmahnak in upa deuh he I duh a thatnak cu hnachuahnak thinlung an ngeih lai lo. Cucaah naa zalong lai. A ruang cu nangmah nak in upa deuh a si cang caah patling/nutling thinlung an ngei cang. Pakhat le pakhat cung I hnahchuah khi izumh lo a si. Mahnak in upa deuh a nutling, a patling cang mi hna cu an duhmi hna zong ah zumhlonak timi thinlung put an ngei ti lo. Nain an zumh ti hna lo bak a si ahcun midang he an I lo fawn lo.

A pali nak ah mahnak in upa deuh he I duh a thatnak cu cawmpiaknak na ton zungzal lai. Pakhat le pakhat I cawnpiak timi I dawt ruang lawng ah I cawmpiak a si ton. An dawttuk ruang ah lamtha , lamding na zulh khawh nak ding caah an cawmpiak lai. Mahnak in upa deuh cu thiltha siseh thilchia a si ah an ton mi tampi a um cang caah an cawnpiak mi chung ah na zulh ding lamtha tampi ai tel lai. Na palhnak cung ah dinfelnak lei lam an hruai lai

A panga nak ah nangmahnak in upa deuh he nai duh ahcun Upa deuh a si ruangah na duh mi cungah a lungsau lai. Nangmah nak in a thinsau deuh lai. Nangmah nak in Upa deuh a si ruangah a nau dawt bantuk in na duh mi an zulh piak lai. Na sual tuk ko hmanh ah an ngaihthiam khawh lai.

Be the first to comment

Leave a Reply

Your email address will not be published.


*