Nihin Myanmar Covid-19 Resulh Thawngpang Tha Taktak A Si

Myanmar ram chung Covid-19 zawtnak an hmuh mi hi a tlawm ngaingai ti ding a si.Ramdang in zawtnak an karh ningcang he vun tuak chun ahcun khuaruahhar in an tlawm.

An tlawm lawng si lo in a dam than mi hrimhrim hi an tam caah lunglomh awk ngaingai a si.Nain Myanmar cozah nih covid-19 zawtnak hrik he pehpah in pehthuh mi a ngei hnga maw timi ruah awk ngai cu a um ve tiah ka ruah.Nihin thawng an thanh ning ahcun Myanmar ram chung ah Covid-19 zawtnak hrik an hmuh mi hna minung hi 203 an si cang.

Hi chung ah hin a damthan mi 123 an si ve cang caah a zaw mi nak in a dam mi lei hi % in cun an tam deuh.Nizan ah voihnih checknak an tuah.A voikhatnak result ah mizaw thar pahnih an hmuh hna.

A voihnihnak result minung 375 an phichuak a tha.Mizaw pakhat hmanh an um lo tiah Myanmar cozah nih thawngthanhnak a tuah.A voikhatnak result mi mizawt an hmuh mi hna hi Italy le India ram in a rak tlung mi an si tiah thawngtheih a si.Source;DVB

Be the first to comment

Leave a Reply

Your email address will not be published.


*