President Trump Impeachment Update

Tuchun hi President Trump tazacuainak closing argument Senate ah an tuahmi a donghnak ni a si.

1. Democrats house manager nih suimilam pahnih le Republican [ White house counsel ] lawyer hna nih suimilam pahnih chung closing argument an chim lai. An pahnih chimmi hi suimilam 4 chung a rau lai.

2. Thaizang zan hi President nih kum khat voikhat a tuah tawnmi, The State of Union Address a si lai i, President Trump nih Congress ah biachimnak a ngeih lai. Kum khat chung a riantuanmi US mipi sin ah a phuan lai.

3. Nithum ni ,Wednesday day chun ah Senate Chamber ah Senator minung 100 nih President Trump a sual le sual lo bia an chah lai. Senator minung 100 chungah cheuthum cheuhnih, senator minung 67 nih a sual tiah vote an thlak ahcun President Trump cu President sinak in dawi a si lai.

4. Asinain Senator minung 51 nih a sual lo tiah vote an thlak ahcun President Donald Trump cu President sinak in an dawi kho lai lo.

5. Senate ah Republican minung 53 le Democrats +Independent senators minung 47 an um. President thlak khawhnak dingah Democrats pawl nih minung 67 an herh. Republican minung 20 nih President Trump an kal taak i, democrats lei i vote an thlak lawngah President Trump cu President sinak in an dawi khawh. Atu tiangah Republican lei in a lung a thleng dingmi minung 2 lawng um dawh an si. Mah hmanh cu a fiang rih lo. Cucaah President nih teinak a co lai timi hi 100 ah 99% cu a fiang cia cangmi a si.Credit-Salai Lairamthang

Be the first to comment

Leave a Reply

Your email address will not be published.


*