Pu Solomon nih a fanu catang a thei loh

February 2, 2020 (Sunday) zanah khan Malaysia um Thantlang Peng Fellowship (TPF) le CNF/A ralbawi Solomon Thang Ding le a tuanpi hawi Salai Biak Pum tonbiaruahnak kan ngei hna.

Cu tonnak ah cun theihternak kan tuah hna i, Pu Solomon nih a chungkhar kong a chim lioah a fanu upa bik a sianginn kaimi catang a hngal loh! Cutikah a hawipa Salai Biak Pum (CNF ah bochanmi Dr. Za Hlei Thang tupa) nih tang 7 a si tiah a van chimh chom. Kan ni hna, kan mawh loh.

Asinain, a hnuah cun Pu Solomon nih hin a chungkhar hmanh thate khurh-awmh thiam loin ram le miphun caah a herhnak kipah a kaltak hna ruangah a fale catang zat hmanh a philhnak a si ti kha a hnu ceoah kan i fiang hna.

Ram le miphun caah nunnak pek bak in a tuanmi CNF/A hna hi kan dirkamh peng hna awk a si. Kan bawmhchanh kan dirkamh khawh hna lo hmanh ah soisel hrimhrim hna hlah usih.Credit-Victor Mang Hlei Hrin

Be the first to comment

Leave a Reply

Your email address will not be published.


*