Religion&Politics ll Kumtin Update Ai Tuah Pengmi Apple Le Update tuah Lo Mi Nokia Phone Company.

Kan Miphun hna nih kan i buaipi lengmang mi Biaknak le Politics kongah kan lungput le khua cuanhning hna hi Apple le Nokia Phone company hna nih an kan fianter deuh ngai men kho.

Kan Pafim hna pahnih Albert le Gandhi nih an rak chim mi bia cu, “Biaknak nih politics lei ah zeihmanh a tuah a herh lo tiah a chim mi hna cu biaknak phung ti mi hi zei a si sat an hngalh lo caah asi” tiah Gandhi nih a chim bal.

“Biaknak loin fimnak le hngalhnak cu a ke bei.Science lei Fimnak le hngalhnak loin Biaknak cu a mitcaw ” tiah Albert Einsten nih cun a chim ve.

Cucaah Biaknak le politics kong tibantuk ah kan hmuhning le ruahning, kan hngalhnak le nitin kan i nunpi rih ning te hna hi update kan i tuah pah lengmang ve a hau. Ruahnak hlun le nunning hlun rumro kha i tlaih in i nunpi peng ding a si lo.

Cubantukin update a hmang lo mi cu Phone chuak hmasa bik a si ko nain rang ngai in hi vawlei pi kalning a dawi lo i update a tuah lo ruangah kumtin update a tuah peng mi Apple le Samsung te pawl bantuk si loin zeiruangah dah ka tlak, zei palhnakdah ka tuah tiah ngaihchia ngaiin a business a tla mi Nokia phone company bantuk dirhmun ah kan dir ve zungzal kho.

Chan ai mer ning hi a rang tuk caah Nokia company nih zei karlak ahdah ka tlak ti hmanh ai rak hngal manh lo. Biaknak le politics kongah kan i update lo i Laitlang i kan rak hmuhning, pomning, nunpinin le ruahning te lawngin kan doctrine hna kan i tlaih peng rih ko ahcun Nokia bang kan tlaknak sangtuk cang tinak asi ko hnga.

Note: Nokia phone te kha India kan um lio hrawngah kan rak hman hmasa mi te a rak si.Hi an tawn mi tuanbia hi cu fimchimtu taktak ah ka hmuh mi asi.Credit-Al Bik Lian Zathang

Be the first to comment

Leave a Reply

Your email address will not be published.


*