Tu ni cu lawmhnak ni a si

Miphun thanchonak ding caah ti in ngeih chun thawhtu Hawikom rual minung (10) nih Chin Education Service (Amazon) Company Ltd., cu dirh a si i Amazon Private School cu kum 2015 ah rak dirh a si. Hawikom rual hna cu: 1) Martin Kam Lo, 2) Ni Cung Thang, 3) William Khen Chum Bik, 4) Rollin Chan Lian, 5) James Ngun Hre, 6) Peng Thang, 7) Chan Thawng Lian, 8) Harvey Van Bik, 9) Ram Ceu Hnin le 10) Salai Jacob Thang an si.

Lai miphun thanchonak ding ah Newland nih Laica an kan serpiak. Newland hrinsor a simi John le Diana nih Amazon siang inn saknak caah tampi an kan bawmh caah High School tiang kai khawhnak tiang inn kan lim caah kan i lawmtuk. Tu ni cu Siang Inn thar onnak kan tuah. Lawmhnak in kan khat.

Siang inn a kan on piaktu 1) Newland Building – Diana, 2) Solomon Van Hre Building – Zo Bawi, Jodi Building – John, 3) Brothers Building – Rev. Dr. Za Khar le Amazon School Signboard – Martin Kam Lo hna an si. Siang inn kong he pehtlai in Amazon siang inn Chairman Rev. Ni Cung Thang in bia chimnak a ngei. Siangakchia nih Amazon Anthem (Phun Lian Cung phuah mi) an sak cu a sung lawi ko.

Amazon siang inn onnak ah a kan telpi khomi special guests nan dihlak cungah kan i lawm tuk. Pathian nih thluachuahnak in pe ko hna seh. Cun siang cachim nan dihlak cungah kan i lawm. Nan i zuamnak thawng in Miphun caah zohchunhtlak siang inn a hung si. I zuam chin ko uh! Pathian nih an kan um pi ko. Nu le pa nan dihlak cungah kan i lawm. Nan mah thawng in le cawnpiaktu S/m thawng in kan siang inn cu Chinram siang inn ah a tha bik tiah an kan ti. Pathian nih kan umpi ko seh.Credit-Jacob Thang

Be the first to comment

Leave a Reply

Your email address will not be published.


*