Tukum CNLD Vote Hrimhrim A Herh Nak A Ruang Cu

Tukum Myanmar ram pumpi thimnak ding kong cu a linsa ngaingai cang. Mah le tanhmi cio ruangah bia elnak tete zong social media chung ah kan hun luhpi cuahmah cang . A phung a si ko. A bik in kanmah Chin mi hrimhrim nih zeibantuk pawl khi dah kan thim awk an si timi hi kan i fian a herh ngai mi a si cang.

NLD maw USDP maw a si lo ah Chin Party CNLD maw timi cu thate in khua tuaktan taktak kan hau cang. Chin Miphun poah nih kan i fian awk a si mi cu kanmah Chin Party CNLD hrimhrim hi tukum thimnak ah mee kan pek dih hna awk a si timi kan i fian a biapi bak cang. A ruang cu USDP zong siseh NLD zong siseh term khat veve an kan uk tik ah an dirhmun kan i fiang ding a si cang.

Tukum thimnak kan kanmah Chin miphun poah nih CNLD mee kan pek awk hrimhrim a si nak a ruang cu CNLD hi a party lawng in zong si lo in an minung hrimhrim zong zoh tik ah kan Chin miphun chung in bochan bak mi hna lawngte an si hna. Cawnnak lei zong in siseh riantuannak lei zong in siseh bochan tlak lawngte an si hna.

Cun CNLD chung in tukum thimnak a lut ding zohtik hna ah eihmurnak zong an doh khawh lai timi hmuhcia chung khawh an si. A ruang cu Pathian bia lei cawnnak a ngeimi zong an i tel fawn tik ah dinfelnak cu biatak tein an dirpi hrimhrim lai timi a lang. Ramkhel lei riantuannak zong in cawnnak sangsang a ngeimi le hmuh ton mi tampi a ngei cang mi hna an si fawn tik ah tukum cu Chin miphun poah nih CNLD hi mee pek hrimhrim an herh tiah ka ruah.

Tukum CNLD mee kan pek hna lo a si ahcun kum 5 chung ah Chin Miphun nih kan ngah khawh ding mi le kan co khawh ding mi thil tampi kan i sung lai. Cucaah CNLD mee kan pek hna a si ahcun Chin Miphun nih kan herh bak mi Hlutdaw ah an chim an rel ngam lai. Cucu a fiang bak mi a si.

Minung tampi nih CNLD nih cun zeitindah kum 2008 phunghram pi cu an rem khawh lai NLD tu mee pek ding a si an ti men ko lai. Nain kan theih awk ah Phunghrampi remh lawng hi rian a si lo. A dangdang an chim khawh ding le an tuah khawh ding mi thil tampi a um. An tuah khawh lo hmanh ah meeting ah an chim ngam lai. Cucu kan herh bak mi a si. Cucaah tukum cu zeikhawm a si poah ah CNLD mee pe dih ko hna uhsih. Credit- Thawng pi Sang

Be the first to comment

Leave a Reply

Your email address will not be published.


*