Tuni Malaysia Ah Covid-19 Test Mi Chung In Kawlram Mi Tampi An Itel

Malaysia ram chung tulio Covid-19 zawtnak test an tuah cuahmah liopi a si.Tuni Test an tuah mi hna chung ah Zawtnak hrik a ngei mi minung 50 an hmuh hna hi.Hi chung ah kawlram mi tampi an itel tiah thawng theih a si.Tuni zawtnak an hmuh mi he fonh chih ahcun Malaysa ah zawtnak hrik a ngeimi 7059 an phan cang ti nak a si.

 Tuni minung 50 hrik an hmuh mi hna chung ah Kawlram mi minung17 an i tel tiah the Star thawngzamh ca nih an langhter.Malaysia ram chung ah Covid-19 in a zaw i a dam than cang mi hna hi 5,796 an si cang tiah Dr Noor Hisham nih a chim.

Malaysia ram chung ah Covid-19 in a zaw in an dam than ning dirhhmun hi 82.1% tluk a si caah damlei an tam deuh tinak a si.Atulio ah sizung i Covid-19 in mizaw a zual ngaimi hi minung 7 lawng an si tiah Malaysia ngandamnak lei nih an chim..

Be the first to comment

Leave a Reply

Your email address will not be published.


*