Wah-Uh(Tawlre Baa) Cin A duhmi le A Cingmi Hna Caah Theih Awk Tha

1) Tawlre baa phun hi phunthum an um; Asen, Arang le Aeng phun an si. Asen le Arang phun hi theitlai kho mi an si caah sipuazi caah a hlawk deuh an ti i, a cing tu nih an duh deuh.

2) A cin caan (planting seasons): Tawlre hi north America lei ah cun spring a van i thawk, summer lai hrawng ah cin hram thawk asi. Aruang cu temperature 15’C nak in a niam deuh ah cun a thang kho lo. Cucaah, kan Laitlang ah cun khuazik in thal lei aa mernak February thla tim hrawng hi cin can si bik dawh asi. Temperature 20-25 C kar hi aa ziak bik. Cucaah cin caan hi Feb-April kar ah, na cinnak hmunhma a kih lum zoh in asi lai.

3) A hmunhma: Ni chuah Ni tlak, tha te in a thatnak hmun a duh. Asinain hliahtu thladem tangah a ziak deuh.
4) Ti (water): Ti hi tamtuk a duh lemlo, asinain a daam peng mi (moisture) vawlei ah a tha khun.

5) Nawn (fertilizer): Nawn hi a duh ngaingai. Cucaah a kumkhatnak le a kum hnihnak tiang nawn napek khawh lo zongah, a kumthum nak tal ah cun na pek ah a tha, aa baa a lian deuh ngai lai.
6) A khur : A cang in na tuah lo i a khur in na cawhpiak i na phum ah cun, a thuh 12”(1ft), a kauh 12”(1ft) khur ah 6”(1/2ft) hrawngah khin kumhnih baa cu na phum lai, cun a thei le kumkhat baa hna cu 4”(1/3ft) thuk ah na phum lai.

7) A cung hnahkhuh piak: A cungah thinghnah maw, capawl maw khuhpiak a tha. Cuti nakhuh piak mi nih: (1) Vawlei kha a daam ter peng,(2) a kih le a lum a control, (3) Belh le hramh pawl a kham, (4) Cun nawn ca zongah a tha fon.
8 ) Hmannak ( Usefulness): Rawl phunphun caah; khohsui, facang, saatuh, changreu, beauty hna caah an hman. Diet tirawl (ngandamnak) tirawl caah a tha khun i, a hram cu cancers zawtnak thlawpnak caah an hman.Credit-Cung Lian Bik

Be the first to comment

Leave a Reply

Your email address will not be published.


*