Zeitikhmanh ah kan hlaw lai lo Jesuh

Cancer zawtnak a damter i thinghmuihma zawtnak zong a damter kho. Zunthlum le AIDS/HIV, zawtnak le vawlei cung pumpi zawtnk vialte nih a tei kho lo Jesuh cu. Zungzal nunnak a nei i a bia cu zungzal in a hmun zungzal fawn. A sermi hnanih an hlawt cuahmah lioah a nih nihcun an pawng tein a um hnawh hna i zeitikah dah ka sinah an kirthan te lai ti a hngah ko hna.

Kan pum chung ummi thahri le thluak, thisen, kan rial vialte hna cung zongah nawl a neitu a si caah Jesuh cu ka hlaw kho hrimhrim lo. Mipi hmaiah ningzak in ka umlioah khan ka pawng teah a dir i ka ningzahnak vialte cu a ka lakpiak.

Nitin kan nunnak ah a pa khatnak zong Jesuh a si caah zeitikhmanh ah ka hlaw hrimhrim lai lo. Tihnung le ralhrang hna hmai zongah ka hlaw hrimhrim lai lo. Uktu bawi le ralhrang hnanih thah kan timh hmnh hna sehlaw ka nunnak a neitu Bawi a si caah Jesuh cu ka hlaw kho hrimhrim lo.

Kan dam kan ti lio zongah hin damnak thabik a kan petu cu Jesuh a si. Zeizong vialte cungah nawlneitu hi hodah a si ti kan i fiang taktak a si ahcun amah nawlneitu cu kaltak in hlaw hrimhrim hna hlawh u sih.

Be the first to comment

Leave a Reply

Your email address will not be published.


*