Zeitluk In Na Duh Ko Zongah Pasal Caah Nai Thim Lo Ding Tlangval

Pa hi zeibantuk pa dah a si timi cu nu caah a biapi ngaingai mi thil pakhat a si. A ruang cu nuva si hnu ahcun zeitin hmanh in remh na duh zong ah a fawi ti lo. Nuva nan si lio ah na tlangval pa hi zeibantuk minung dah a si timi cu nangmah tein na theih a herh taktak mi a si.


Nungak tlangval si lio ah hin na tlangval cu zeibantuk a dah a si. Pasal caah a tha lai maw timi tiang nu nih hlathlai hmasa a herh.A sining theih lo piin na vat a si ahcun a zeibia cu nan i umhnu ah hell tlak bantuk maw thongthlak bantuk in na nunchung caan na hmang lai caah nuva nan si hlan in hlathlainak tuah hmasa an hau.


Zeibantuk dah pasal caah ai tlak lo timi cu a tanglei ah tlawmte in kan hun langhter lai. Nupi ngeih a duh cang ko bu ah pawcawmnak ding caah timhtuahnak a ngeilo mi a si ahcun pasal caah thimtlak a si lo.Hmailei pawcawmnak tuak lo in duhnak lawng ruat bu he thit an timh a si ahcun pasal tlak lo a si timi philh lo ding.


Zuuding a hmang i pawcawmnak a ruat lo mi a si ahcun lohtlau a si cang. Tlangval lio ah zu cu a ding lo mi an tlawm lai. Nain pasal ding tlak a si maw timi na theih khawh nak ding caah a tlangval lio a zu din ningcang thate in hlathlainak na tuah hmasa lai. A ruang cu zu lawng ding hmang tung i rian tuan a ruat ti lo mi a si ahcun bialo a si cang. Nuva nan si hnu ah riantuan zuam lo zu ding long a hmang mi a si ahcun zeitik hmanh ah nuam in khua nan sa kho lai lo.

Nu cungah a lung a vaivuan mi pa a si ahcun pasal ding caah cun ai tlak lo. Na tlangval a si lio ah zeibantuk thinlung put a ngei timi kha thate in hlathlainak tuah hmasa. Nangmah he nan i duh ko bu ah nangmah nak in ai dawh deuh mi le a fim deuh mi tibantuk a hmuh le cangka in a lung a vaivuan mi tlangval a si ahcun bialo citcet a si cang. Nan i um hnu ah ngapih ei cu ka duh lo salawng ei ka duh ti a hmang mi bantuk a si lai.

Be the first to comment

Leave a Reply

Your email address will not be published.


*