Zu Thalo An Din Sual Ruangah Minung 86 Bak Te An Thi

India ram Pumjab Pine ah zu thalo an din sual ruang ah minung 86 an thi tiah nizan ah India cozah nawlngeitu lei nih thawngthanhnak an tuah.India ram chung ah hin zu thalo anmah tein an tuah i man fawite in an zuar ton caah kum fatin a ding sual mi cu an thi lengmang.

Phungning lo in zu an chuan mi cu man fawite in an zuar. Langkhat ah Rupee 10 hna in an zuar tik ah zaran nih an dih khawh.Nain phungning lo mahte in an chuan mi zu thalo a si caah an thi lengmang.

India Express thawngzamh ca nih a tial ning ahcun tutan zu thalo chuangtu or zuartu hna hi biatak tein kherhlainak an tuah cuahmh cang hna .An theih khawh hna a si ahcun fakpi in cozah nih hmalak a timh tiah an thanh.

Tulio cu Covid-19 lockdown lio a si caah India ram chung zudawr kip an rak khar dih.Zu dawr an on lo tik ah zu ding pawl an vaivuan hna i cheukhat cu alcohol aa telmi kut tawlnak sii khan an din ruangah minung pa 10 an thi tiah india cozah nih July 31 an chim.

Be the first to comment

Leave a Reply

Your email address will not be published.


*